અધ્યાય-૧૧૫-પરશુરામ ચરિત્રનો આરંભ
II वैशंपायन उवाच II स तत्र तमुपित्वकां रजनीं पृथिवीपतिः I तापसानां परम् चक्रे सत्कारं भ्रातृभिः सः II १ II
વૈશંપાયન બોલ્યા-'તે પૃથ્વીપતિ યુધિષ્ઠિરે ભાઈઓ સાથે ત્યાં મહેન્દ્રાચળ પર્વત પર મુકામ કરીને ત્યાંના તપસ્વીઓનો પરમ સત્કાર કર્યો.ત્યાં લોમશે યુધિષ્ઠિરને ભૃગુ,અંગિરા,વસિષ્ઠ અને કશ્યપના તે સર્વ તપસ્વીઓ વિષે કહ્યું.એટલે રાજર્ષિએ તેમની પાસે જઈને તેમને પ્રણામપૂર્વક અભિનંદન કર્યાં અને પરશુરામના અનુચર વીર અકૃતવ્રણને પૂછ્યું કે-'ભગવાન પરશુરામ ક્યારે દર્શન આપશે? હું તે ભાર્ગવનાં દર્શન કરવા ઈચ્છું છું' (4)
